شرح نقل الانترنت لاسلكيا مسافات مختلفه بأفضل اداء




ان شاء الله هنشرح فى الموضوع ازاى نقدر نربط نقتطين Point to point باستخدام اجهزه متنوعه

الموضوع هيكون لأجهزة Ubiquiti المختلفه وده لاسباب :-

1- جميع الاجهزه Outdoor يعنى تتحمل العوامل الجويه المختلفه
2- فى حلول كتير من الشركه للمسافات المختلفه
3- اسعارها معقوله جدا
4- اداء الاجهزه ممتاز واثبت كفائه عاليه جدا
5- الاجهزه متوفره فى السوق بكثره
6- بينج ثابت جدا وداتا ريت عاليه



معظم اجهزة شركة يوبيكيوتى في منها ما يعمل بتردد 2.4 جيجا هيرتز
ومنها ما يعمل بتردد 5 جيجا هيرتز

الأفضل طبعا هو التردد 5 جيجا هيرتز وده بسبب ان التردد 2.4 اصبح مستهلك جدا والنويز عليه عالى جدا وده بيأدى لضعف الداتا ريت المنقوله ... ولذلك هنتحايل على الموضوع ده اننا نشتغل بجهاز نانو ستيشن لوكو بسوفت 3.6 على التردد 2.3 جيجا هيرتز زى ما هنشوف



فى الاول لازم نعرف يعنى ايه :-

1- ربط نقطه بنقطه ( بوينت تو بوينت PTP )





ربط نقطه بنقطه معناه وجوده محطة ارسال ومحطة استقبال تستقبل مباشر ولا توجد غير النقطتين دول

2- ربط نقطه بعدة نقط ( PTMP )





هنا فى نقطة ارسال واحده واكثر من نقطة استقبال



الموضوع بيتكلم عن نقل الانترنت PTP اى نقطه لنقطه فقط وهنا بنستخدمه طبعا فى ربط منطقه لا يوجد فيها خدمة انترنت بمنطقه تانيه فيها خدمة انترنت زى نقل النت بين مدينه وقريه لا يوجد بها كابلات تليفونات
او التليفونات فيها هوائيه فقط ولا توجد بنيه تحتيه لكابلات التليفون




علشان نربط نقطه بنقطه محتاجين نعرف ايه وايه الشروط ؟؟

1- المسافه
2- الداتا ريت ( السرعه ) اللى محتاجين ننقلها
3- ان النقطتين يكونوا شايفين بعض بدون عوائق



فى الموضوع هنستخدم 3 اجهزه شهيره فى نقل الانترنت وهم

1- نانو ستيشن لوكو 2 ( 2 تعنى انه يعمل على تردد 2.4 جيجا هيرتز )
NanoStation Loco 2

2- نانو ستيشن إم 2 أو إم 5
NanoStaion M2/M5

3- العملاق نانو بريد إم 5
NanoBridge M5

وهنشرح كل جهاز ومميزاته



NanoStation Loco 2
Dtasheet





النانو ستيشن لوكو نقدر نستخدمه فى نقل انترنت مسافة 1.5 كيلو على تردد 2.4 جيجا هيرتز
ومسافات اكبر على تردد 2.3 جيجا هيرتز ودى لفته جميله وضحها العضو المبدع maro_565 فى الموضوع :-

القول الفصل فى التردد 2.3 جيجا هرتز

الموضوع بيشرح التردد بتفصيل اكتر واستخدامه

النانو ستيشن لوكو ممكن نستخدمه كأكسس استقبال عادى زى اى اكسس مع اى محطة ارسال لانه يعمل على تردد 2.4 جيجا هيرتز والميزه فيه ان معظم المحطات الرئيسيه هى من شركة يوبيكيوتر فعند توحيد الاجهزه ارسال واستقبال تكون حساسية الاستقبال ممتازه ونحصل على بينج ثابت جدا وداتا ريت عاليه

اهم ما يميز النانو ستيشن لوكو ان سعره رخيص ومفيش له منافس من الاجهزه الاوت دور


تجربة لربط 2 نانو ستيشن لوكو على مسافة 2 كيلو عن طريق الآداء

[ندعوك للتسجيل في المنتدى أو التعريف بنفسك لمعاينة هذا الرابط]



الاشاره -70 وهى قليله نوع ما لكن مع استخدام تردد 2.3 هتكون الاشاره افضل من كده



NanoStation M2 / M5

Datasheet





هو الأخ الكبير للنانو ستيشن لوكو 2

الفرق بينهم فى قوة الباور والانتنا الداخليه الخاصه بيهم
وطبعا ميزته الاولى هى المسافه الاكبر اللى يقدر يوصلها

يوجد منه اكتر من اصدار زى النانو ستيشن 5 جيجا هيرتز والنانو ستيشن 2 جيجا هيرتز

الافضل بالتأكيد هو النانو ستيشن 5 لان التردد بعيد كل البعد عن النويز وبينقل داتا ريت عاليه جدا مع استخدام خاصيه تسمى AirMax
وهنا لازم نرجع تانى لـ maro_565 فى موضوع آخر جميل جدا

تجربه بمنتجات يوبيكوتى و تفعيل خاصيه الاير ماكس ... (بلاش تدخل علشان متندمش ...!! )

بس ما تقلقوش ادخلوا ما تخافوش الانترنت لاسلكيا مسافات مختلفه بأفضل

ونرجع برده لموضوع تانى للعبد لله

..ιllι..-» ببالتفصيل .. الربط بين 2 نانو ستيشن إم 2 «-..ιllι..


النانو ستيشن جهاز محترم جدا ونقدر نستخدمه حتى رينج 6 كيلو او كتر قليلا لكن ده يرجع للداتا ريت اللى عايزين ننقلها

وفى المسافات الابعد ممكن نستخدم العملاااق ... اللى جاى



NanoBridge M5

Datasheet





فى منه مودلين واحد بانتنا 22 دى بى وواحد بانتنا 25 دى بى ( بطبق اكبر )

طيب ليه هو عملاق ؟؟

السر فى الطبق الموجود وزاوية البث الخاصه بيه
كل الاكسسات اللى بنتكلم عنها من نوع CPE اى انها اكسسات مدمج بيها انتنات بدون فقد بينهم
ده بيدى توافق تام بينهم واعلى اشاره ممكنه
وفى النانو بريدج زاوية البث ضيقه جدا ودى بتدى مسافه كبير

مثال بسيط :-
تخيل ان عندك خرطوم مايه المايه فى الوضع العادى .. المايه اللى هتنزل منه مش هتبعد اكتر من 20 سم مثلا
اما لو ضغطت عليه المايه هتوصل لمسافه ابعد بكتير
مع ان كمية المايه هى هى ما اتغيرتش لكن وجهتها فى اتجاه معين

ودى طبعا تديك مسافه كبير
لكن تتعب شويه فى التوجيه خصوصا لو الارسال والاستقبال نانو بريدج

ايه ده .. هو ينفع ارسل بجهاز واستقبل بجهاز تانى ؟؟

اه ينفع بشرط التوافق
يعنى ممكن ترسل بنانو بريدج وتستقبل بنانو ستيشن والاتنين يكونوا 5

لكن فى الحاله دى هتكون المسافه اقل نوعا ما

نقدر نستخدم السيستم ده فى مسافات 8 كيلو او 10 كيلو مثلا

وتقدر تستخدم الاداه الجميله

[ندعوك للتسجيل في المنتدى أو التعريف بنفسك لمعاينة هذا الرابط]


وتجرب تغير الارسال والاستقبال والمسافه وتشوف النتيجه

دى نفس التجربه بتاعة اللوكو والنانو ستيشن لكن بستخدام النانو بريدج



طيب نجرب مسافه ابعد نقول 25 كيلو بدل 2 كيلو





اتمنى يكون الموضوع مفيد ملخص لاجهزة نقل الانترنت

انا تعبت جدااااااااا فى الموضوع ده ارجو من اللادارة تثبيت الموضوع