السلام عليكم ورحمة الله اخواني الاعزاء.


سبحان الله وبحمده، سبحان الله العظيم


جايب لكم اليوم طريقة لتشغيل اليد الخاصة بالكمبيوتر على الجوال.
نبدا على بركة الله
هذه الطريقة مخصصة لاندرويد 3.1 فما فوق
اولاً:
الجوال لازم يكون معمول له رووت، ما راح اشرح هذي الخطوة لانها تختلف من جهاز لآخر، بس اكيد الشرح موجود بالمنتدى لجوالك.


ثانيا:
الجوال لازم يدعم خاصية OTG او ما يعرف باسم USB On The Go.


ثالثاً:
نزل البرامج التالية:
الاول هو USB/BT Joystick Center 6 من الرابط التالي
[ندعوك للتسجيل في المنتدى أو التعريف بنفسك لمعاينة هذا الرابط]


والبرنامج الثاني عبارة عن اضافة للبرنامج الاول يتم تثبيتها بعده:
[ندعوك للتسجيل في المنتدى أو التعريف بنفسك لمعاينة هذا الرابط]


اول شي تجيب وصلة OTG زي هذي





لقيتها بحوالي 5 ريال سعودي.


شغل البرنامج الاول ثم اشبك الوصلة بالجوال من دون ما تركب عليها اليد، بعدين ركب اليد بوصلة USB.


راح تلقى شاشة زي كده





البرنامج حيجيب سؤال زي كده، اضغط موافق على طول بدون ما تحط علامة صح في المربع الفاضي





اضغط الزر الفوق باليسار في البرنامج ( راح يكون لونه احمر)





راح يوديك على اعدادات الكيبورد في جوالك. راح تلقى مكتوب USBJoyIME


اعمل عليها صح واضغط موافق


ارجع للبرنامج مرة ثانية.


اضغط نفس الزر اللي ضغطته قبل شويه وراح يجيب سؤال زي كده





اختار USBJoyIME


حتلقى زر جديد بنص الشاشة. اضغط عليه.





فوق راح تلقى زر مكتوب عليه J>T اضغطه، حتجيك رسالة اضغط موافق.


حتلقى مجموعه ازرار بنص الشاشه وفيهم واحد مكتوب عليه
TOUCH Edit-M
اضغطه وبعدين اضغط على زر في اليد. هذا الزر ما راح تستخدمه في الالعاب، تستخدمه عشان تدخل وضع التعديل للازرار ( جايينها النقطة دي )


اسحب الى اتجاه اليمين لحد ما تلقى زر مكتوب عليه DPAD Left


اضغطه وبعدين اضغط زر الاتجاه اليسار في اليد


وكده يكون زر اليسار في اليد محفوظ على هذا الزر في الشاشة.


وبهذي الطريقة تقوم بتعريف جميع الازرار اللي في اليد.


بعد ما تخلص تضغط زر الرجوع في الجوال عشان ترجع القائمة الرئيسية. زر الرجوع مو زر الهوم!

افتح البرنامج الثاني


تجيك شاشة كده





اضغط الزر اللي عملته لدخول وضع التعديل.


الشاشه حتصير حمراء على خفيف. الحين اضغط الزر في اليد وخلك ضاغطة، بعدين المس الشاشة في المكان اللي تبي تختاره لما تضغط الزر. راح يظهر زر في الشاشة. اضغط زر تاني من اليد واختار مكانه، بهذي الطريقة لحد ما تخلص الازرار كلها.


لو تبغى تعدل مكان زر تخليك ضاغطه في اليد وتلمس الشاشة كم مرة لحد ما يختفي منها وتضيفه مرة ثانية.


بعد ما تخلص اضغط الزر اللي عملته لدخول وضع التعديل عشان يحفظ الاعدادات.


بمكن تكون هذي النقطة معقدة شوية!


هذي صورة للازرار اللي انا حاطها للعبة MODERN COMBAT 3





الحين كل اللي عليك انك تفتح اللعبة وتلعب عااادي!